2016年1月23日星期六

【飲食男女】白松露應該點食至醒?|壹週Plus|Next Plus

【飲食男女】白松露應該點食至醒?|壹週Plus|Next Plus

【飲食男女】白松露應該點食至醒?|壹週Plus|Next Plus

早前有人用過百萬購得白松露回家,但這樣名貴的食物,都要懂得用才可將它發揮到極致。

白松露千萬不要用以烹調,香味會消失或變味,適宜刨成薄片,放於溫熱食物上,利用熱力將白松露片四周軟化,香氣就可恰到好處地發揮到極致。就算你豪得起,白松露都不宜整顆吃,因其香氣會揮發不到出來,造成浪費。配搭方面,夾一些帶泥土氣色的食物,如薯仔或味道不太濃的雞蛋、忌廉、芝士等就最好,可用在雞蛋做的意粉或用忌廉做的甜品上。

 

即時掌握最快最新飲食熱話,立即登上 etw.hk ,或下載《飲食男女》最識食App!

iOS下載:http://goo.gl/jYHhdH

Android下載:http://goo.gl/m8yPuf

《飲食男女》網站:http://etw.hk

《飲食男女》Instagram: http://goo.gl/09g8mU


I

蘋果日報- 《蘋果》記者Steve: 我真係見過Steve Jobs……四次!

蘋果日報- 《蘋果》記者Steve: 我真係見過Steve Jobs……四次!

《蘋果》記者Steve: 我真係見過Steve Jobs……四次!

《蘋果》記者Steve:我真係見過Steve Jobs……四次!

創新及科技局局長楊偉雄昨日出席創科論壇,憑指着自己鼻哥講一句「有邊個見過Steve Jobs?未呀?我見過!我真係見過!」惹來全城恥笑,改圖惡搞多到不能盡錄。認真問,見過Steve Jobs是否等於高人一等,可以四圍炫耀?

《蘋果》記者Steve Hui,由08年的iPhone 3G發佈會,到之後的3GS、4、4s,都獲委派去發佈會,前後見過Steve Jobs四至五次,他說:「印象中都有四至五次左右,直至Steve Jobs最後一次發佈會 。個發佈會其實好多人,我想有千幾二千人,會場好大。世界各地嘅人都會去,果粉也會去看看有沒有新產品發佈。」

Steve形容Steve Jobs是一個很有魅力的人,他說話的時候,大家都在集中聽他,猶如一場騷。「同Tim Cook去比較,拍手掌的次數會多。大家都會聽他說,又期待會拿出甚麼法寶出來。」Steve認為這幾次經驗,令他學到原來產品可以這樣推銷,感覺實用。但問到會否跟人炫耀,他斬釘截鐵的說:「沒有特別跟別人炫燿。」

上一則: 十粒鐘完全睇

下一則: 奧斯卡白人一片 韋史密夫缺席免無碇企



I

蘋果日報- 十粒鐘完全睇

蘋果日報- 十粒鐘完全睇

十粒鐘完全睇

林日曦每日返到被毛記謔稱為「鍍金雙子塔」的葵涌工廈,盡責任飾演「腦細」角色,本報日前近距離直擊林日曦扮工過程。


【晨早開門】

【8:08am】晨早開門林日曦每朝都準時8點左右返公司開門。

【8:10am】開始扮工親力親為收信拆信。


【8:18am】飲水提神再到茶水間斟一大杯暖水醒醒神。


【8:20am】上網摷料之後先開始閉關上網睇新聞碌fb搜集資料。


【10:10am】捉人開會林日曦主張讓員工自由發揮,他只會間中給意見。


【12:05pm】獨食午餐午飯時間獨自捱飯盒,仍然離不開電腦。


【2:30pm】絞盡腦汁夾計度每日重點節目《6點半左右新聞》。


【6:00pm】玩槍放鬆平時習慣黑面神上身,但開完會之後間中都會和同事玩一下。


【6:30pm】收隊閃人6點半開車走人,扮工完畢。


上一則: 講主播:每條毛都好重要

下一則: 《蘋果》記者Steve: 我真係見過Steve Jobs……四次!



I

蘋果日報- 講主播:每條毛都好重要

蘋果日報- 講主播:每條毛都好重要

講主播:每條毛都好重要

【擘開腦細個口】毛記主播逐個評 邊個被點名讚?

在一班毛記員工眼中,林日曦不苟言笑;至於一班主播在林日曦心目中,卻是有讚冇彈、不可缺少的伙記。


利君牙佢係一個我形容為菁英嘅人,有貴氣,喺分獎禮入面,跳舞同司儀背稿佢最快上手,仲要教埋人,好聰明。

黃慘盈一個非常乖嘅女仔,好雅典,好有禮貌。

東方昇寫稿同創作都係最出色,請佢返嚟係搞創作,但可能佢暗暗鍾意出鏡,而我喺天比高嗰陣,亦知佢鍾意做幕前,佢有咁嘅背景,對公司嚟講係好重要。

盤菜瑩子佢係最用心經營自己image嘅一個,呃like最勁。有同事問我應該點答傳媒話佢整容?呢個年代整乜有咩所謂?我話寫咪寫囉,唔好當我係樂小姐!

羅若Off

好𡃁妹,我知我平時冇乜笑容,但佢係零零舍舍特別驚我,聽同事講,我同佢講完嘢,佢會無啦啦喊。

Dickson

一個好有才氣嘅人,睇佢寫嘢就知。佢呢一世一定媾到女,唔知等幾耐,但最終會有女人識得欣賞佢。

崔建芒

平時台上有自信、超寸,但佢對住我哋係冇乜自信,講嘢都唔係好敢,吞吞吐吐咁,但正正係咁,佢一上台就係全場最有自信嘅一個,咁樣先係佢犀利之處。

上一則: 講老婆:最愛太太夠Kai

下一則: 十粒鐘完全睇



I

蘋果日報- 【我主場】毛記腦細扮工全直擊 林日曦 真.心話

蘋果日報- 【我主場】毛記腦細扮工全直擊 林日曦 真.心話

【我主場】毛記腦細扮工全直擊 林日曦 真.心話

《100毛》舵手林日曦,一張蒼白撲克臉生人勿近。因一個「毛記分獎禮」,忽然響朵,以為這名80後從此不可一世,但原來世事不可盡信表面。本報記者日前由朝到晚近距離訪問他,他一時大談自己和《100毛》其餘兩位掌舵人陳強和姚家豪(阿Bu),開會日日反枱,一時又肉麻細說太太蔡明麗(the pancakes)100分package,堅貼地。撰文:勞燕萍


■《100毛》老細林日曦面對「網絡23條」惡法逼近,仍然大無畏籌備第二屆毛記分獎禮。攝影:仇志德

講工作:兩位拍檔缺一不可工字不出頭,現年35歲的林日曦7年前離開商台天比高,和陳強、阿Bu每人夾$2,000,創立「黑紙有限公司」,由原本3丁友規模,再演變成日後的《100毛》和現時擁有50多名員工的毛記電視。

林日曦,是作家、填詞人、創作人,近年加多一個「腦細」銜頭。身份多多,但生活卻異常規律,他說:「我每朝習慣5點鐘起身睇fb同新聞,喺屋企寫完專欄,8點半返到公司開門準備開會。」雖然毛記有3個老細,但每次只有林日曦浮面,拍檔隱形,林日曦抵死說:「懶囉,懶低調唔鍾意見人囉!」三個廢青步入廢中行列,又共事多年,理應少火氣多默契,但事實剛剛相反,他說:「我哋唔算好好朋友,只係啱傾嘅合作夥伴,鬧交?日日開會都鬧,但就對事唔對人,我哋唔會投票,總之拗到最後睇吓邊個最先放棄,不過阿Bu次次都係最先放棄,佢就好似一支KY(潤滑劑)咁。而我哋鬧完交就算,轉頭傾閒偈又傾得好開心。我哋三個性格一凹一凸,好似砌積木咁,缺一不可!」


■(左起)林日曦與阿Bu、陳強由《黑紙》到《100毛》,嗌交嗌出好多鬼主意。資料圖片


■俞琤在廣播界德高望重,毛記分獎禮有幸得俞琤支持,令林日曦非常感動。資料圖片

俞琤現身眼濕濕

對於《100毛》路線不時與廣告客戶期望有分歧,林日曦早已設有底線:「我份人比較衝動,見親客都幾乎反枱,所以我唔會見客,阿Bu就成日笑笑口,啲客見佢最開心。Sales詐型,由佢囉,總之好笑就會講,攞咗條命先算!」

毛記分獎禮,無疑是令《100毛》由小眾網媒步入大眾主流的一次分水嶺,對於商台前話事人俞琤,沒有現身商台叱咤頒獎禮,反而出席毛記分獎禮,俞琤畀足面,林日曦難免飄飄然:「哦!咁梗係勁啦,我覺得真係勁喎,佢(俞琤)係一個傳媒界咁勁嘅人,竟然肯嚟不等止,仲肯接受個獎。其實當佢覆我message話嚟嗰一刻,我已經眼濕濕!」

分獎禮劍指紅館

林日曦受訪翌日,「網絡23條」二讀通過,靠二創、惡搞的毛記,當日在facebook聲言「殺入死亡直路……」惡法逼近,但林日曦的回覆是:「照做!」訪問時他更向記者透露開始着手籌備第二屆「毛記分獎禮」:「陣間會同同事傾研究場地嘅嘢,紅館會申請,會展Hall B、C同九展Star Hall都會諗,或者亞博館,雖然好遠,但原來大家都唔介意……不過其實一年後好多嘢都唔同,可能到時一個人都冇……𠵱家純粹只係落定book場。」

上一則: 【寒流殺到】周日落雪?準備好未? 香港人:都係要返工

下一則: 講老婆:最愛太太夠Kai



I

蘋果日報- 講老婆:最愛太太夠Kai

蘋果日報- 講老婆:最愛太太夠Kai

講老婆:最愛太太夠Kai

【黑面專訪】鍾意老婆天生Kai 林日曦只在屋企笑

《100毛》越高調,越被某些人痛恨,更視之為禍根,正當身邊朋友和家人開始擔心林日曦會「被失蹤」時,他卻異常樂觀:「其實𠵱家太多陰謀論,風吹草動就自己驚定,自我審查咗先,咁樣好難做落去。」林日曦太太the pancakes,同樣是創作人出身,對於老公這份「踩界」工作,林日曦指太太百分百支持:「大家諗嘅嘢一樣,起碼佢唔係藍絲。我每朝5點起身,佢都會煮定大份早餐畀我食。對住太太我係笑得最多嘅時候,你哋成日話我喺公司唔講嘢,我啲嘢全部留番喺屋企對佢講。我就係因為佢夠kai,天生kai,我鍾意佢成個人嘅package值滿分,包括對眼好吸引我!」

無論前景好定壞,對香港人來說,生仔買樓依然是人生大事,對於孕育下一代,林日曦坦言未是時候:「未有打算,冇乜計劃,唔一定要有,呢一刻唔係特別想要。其實買樓我唔抗拒,但我好低能,覺得唔抵囉,我唔鍾意借錢買樓,當有一日我儲到錢,又見到鍾意嘅,我會一炮過畀錢買樓,但暫時未有動力去買,租吓樓幾舒服呀!」


■在月中的分獎禮過後,林日曦帶同太太the pancakes去北海道度假,趁機叉電。互聯網圖片

上一則: 【我主場】毛記腦細扮工全直擊 林日曦 真.心話

下一則: 講主播:每條毛都好重要



I

蘋果日報- 【我主場】毛記腦細扮工全直擊 林日曦 真.心話

蘋果日報- 【我主場】毛記腦細扮工全直擊 林日曦 真.心話

【我主場】毛記腦細扮工全直擊 林日曦 真.心話

《100毛》舵手林日曦,一張蒼白撲克臉生人勿近。因一個「毛記分獎禮」,忽然響朵,以為這名80後從此不可一世,但原來世事不可盡信表面。本報記者日前由朝到晚近距離訪問他,他一時大談自己和《100毛》其餘兩位掌舵人陳強和姚家豪(阿Bu),開會日日反枱,一時又肉麻細說太太蔡明麗(the pancakes)100分package,堅貼地。撰文:勞燕萍


■《100毛》老細林日曦面對「網絡23條」惡法逼近,仍然大無畏籌備第二屆毛記分獎禮。攝影:仇志德

講工作:兩位拍檔缺一不可工字不出頭,現年35歲的林日曦7年前離開商台天比高,和陳強、阿Bu每人夾$2,000,創立「黑紙有限公司」,由原本3丁友規模,再演變成日後的《100毛》和現時擁有50多名員工的毛記電視。

林日曦,是作家、填詞人、創作人,近年加多一個「腦細」銜頭。身份多多,但生活卻異常規律,他說:「我每朝習慣5點鐘起身睇fb同新聞,喺屋企寫完專欄,8點半返到公司開門準備開會。」雖然毛記有3個老細,但每次只有林日曦浮面,拍檔隱形,林日曦抵死說:「懶囉,懶低調唔鍾意見人囉!」三個廢青步入廢中行列,又共事多年,理應少火氣多默契,但事實剛剛相反,他說:「我哋唔算好好朋友,只係啱傾嘅合作夥伴,鬧交?日日開會都鬧,但就對事唔對人,我哋唔會投票,總之拗到最後睇吓邊個最先放棄,不過阿Bu次次都係最先放棄,佢就好似一支KY(潤滑劑)咁。而我哋鬧完交就算,轉頭傾閒偈又傾得好開心。我哋三個性格一凹一凸,好似砌積木咁,缺一不可!」


■(左起)林日曦與阿Bu、陳強由《黑紙》到《100毛》,嗌交嗌出好多鬼主意。資料圖片


■俞琤在廣播界德高望重,毛記分獎禮有幸得俞琤支持,令林日曦非常感動。資料圖片

俞琤現身眼濕濕

對於《100毛》路線不時與廣告客戶期望有分歧,林日曦早已設有底線:「我份人比較衝動,見親客都幾乎反枱,所以我唔會見客,阿Bu就成日笑笑口,啲客見佢最開心。Sales詐型,由佢囉,總之好笑就會講,攞咗條命先算!」

毛記分獎禮,無疑是令《100毛》由小眾網媒步入大眾主流的一次分水嶺,對於商台前話事人俞琤,沒有現身商台叱咤頒獎禮,反而出席毛記分獎禮,俞琤畀足面,林日曦難免飄飄然:「哦!咁梗係勁啦,我覺得真係勁喎,佢(俞琤)係一個傳媒界咁勁嘅人,竟然肯嚟不等止,仲肯接受個獎。其實當佢覆我message話嚟嗰一刻,我已經眼濕濕!」

分獎禮劍指紅館

林日曦受訪翌日,「網絡23條」二讀通過,靠二創、惡搞的毛記,當日在facebook聲言「殺入死亡直路……」惡法逼近,但林日曦的回覆是:「照做!」訪問時他更向記者透露開始着手籌備第二屆「毛記分獎禮」:「陣間會同同事傾研究場地嘅嘢,紅館會申請,會展Hall B、C同九展Star Hall都會諗,或者亞博館,雖然好遠,但原來大家都唔介意……不過其實一年後好多嘢都唔同,可能到時一個人都冇……𠵱家純粹只係落定book場。」

上一則: 【寒流殺到】周日落雪?準備好未? 香港人:都係要返工

下一則: 講老婆:最愛太太夠Kai



I

蘋果日報- 李源潮:中國政府會干預股市

蘋果日報- 李源潮:中國政府會干預股市

李源潮:中國政府會干預股市


■中國副主席李源潮稱,政府會干預股市及沒計劃讓人民幣貶值。 資料圖片

【本報訊】中國面對人民幣貶值及股市下行,對於干預市場與否,政府取態未算一致。國家副主席李源潮稱,政府會干預股市及沒計劃讓人民幣貶值。惟中國社科院委員余永定,昨日在香港出席活動時表明,中國不應輕易消耗外滙儲備穩定滙巿。

余永定認為目前需要訂立靈活滙率政策,以一籃子貨幣為依歸,而不應「盯着美元走」。至於,中國滙改勢對香港有影響,他估計如1997年金融風暴有機會重臨,但重申過去已多次提醒,港人不要太期望人民幣國際化及開放資本賬。他又指,產能過剩及企業債務高企,如處理不當勢令中國經濟「硬着陸」。

言論與其他官員取態不一然而,李源潮在瑞士達沃斯論壇稱,因應A股市場不成熟,會繼續干預,惟目前沒計劃讓人民幣貶值,並將滙市波動歸咎於美國聯儲局加息,而擴大人民幣市場時,亦會維持滙率穩定。

李源潮這番言論,與余永定昨日所述,以及中證監副主席方星海,日前稱不應過份干預市場的言論,有所不同。

人民幣兌美元昨日微跌收市,報6.5794,下跌1個點子,而中間價升13個點子報6.5572。中國銀行(3988)公佈,去年11月該行跨境人民幣指數(CRI),下跌至261點即去年4月以來新低,而人民幣跨境收支仍錄得淨流出1,390億元。

去年經常項目及直接投資項目,跨境人民幣結算額為7,577億元,按月分別升22.8%及32.5%。報告指出11月份人民幣於全球支付結算中,使用份額由跌轉升,佔比為2.28%,保持第五大支付貨幣地位。

同時,中國銀行體系流轉資金趨向緊張,彭博引述消息指,人民銀行指令部份金融機構,取消銀行之間,利率過高的債券回購交易,並限制新交易的利率在一定水平。

部份如鐵礦石、鋼、煤等票據貼現業務,亦要暫停辦理,控制融資風險。人行會留意農曆新年期間資金市場,可能採取其他措施維持資金流轉。

上一則: 李小加回應跌市  與互聯互通無關

下一則: 國美購黃光裕資產議案通過



I

蘋果日報- 索羅斯:華經濟勢硬着陸 指拖累全球通縮 已沽空美股及亞幣

蘋果日報- 索羅斯:華經濟勢硬着陸 指拖累全球通縮 已沽空美股及亞幣

索羅斯:華經濟勢硬着陸 指拖累全球通縮 已沽空美股及亞幣

【本報綜合報道】國際大鱷索羅斯(George Soros)再度發表驚人預測!索羅斯指中國經濟將走向「硬着陸」,並會拖累全球一同進入通縮周期;又指2016年對市場而言將是「艱難」的一年,現時絕非入市時機,並透露自己已經沽空美股及亞洲貨幣,並轉戰美國國債,更批評聯儲局上月加息是錯誤決定。


■索羅斯指中國經濟硬着陸,加上貨幣競爭性貶值,都令環球通縮風險增加。 資料圖片

索羅斯受訪時完全唱淡中國經濟。他指,中國經濟硬着陸基本上無可避免;更指硬着陸並非自己的「預測」,而是從自己「觀察」所得。索羅斯更豪言在更準確的量度下,中國去年第四季的經濟增長只有3.5%,並非中國稍早宣佈的6.8%。他補充,中國巨大的債務負擔以及資金外流都是硬着陸的迹象。根據彭博社預估,去年首十一個月中,有近8,430億美元(約65,726億港元)資金從中國流走。

索羅斯更指中國經濟硬着陸,加上油價不斷下試新低以及貨幣競爭性貶值,都令環球通縮風險增加。他續指,即使中國擁有3萬億美元外滙儲備,政府有能力處理本土經濟下行,但經濟硬着陸仍會對環球市場有「溢出效應」(spillover effect);反常的金融市場或令2016年成為對投資者而言艱鉅一年。

美股早段漲逾200點索羅斯同樣唱淡美股前景。他向外媒透露自己已經做空標普500指數、石油出產國以及亞洲貨幣,並買入美國國債。他指出,儲局去年12月加息的決定令人驚訝,加息已較最佳時機遲了足足一年,所以當美國開始步入加息周期時,正好遇上環球通縮周期開始。他估計儲局今年不會再加息,甚至可能決定減息,但由貨幣政策效用已大大減退,相信即使減息亦不能大幅刺激經濟。

標普500指數年初至今已下跌近8.5%。亞洲貨幣中亦只有「避險貨幣」日圓能夠倖免,其餘全線均錄得不同程度的貶值。而石油出產國貨幣中,俄羅斯盧布更成為本年貨幣「貶值王」,更一度貶至歷史低位,年初至今貶值逾9%。而索羅斯買入的美國十年期國債孳息率年初至今已跌8.6%。

雖然索羅斯唱淡前景,但油價回升,加上市場憧憬歐央行加碼放水,美股早段成功延續昨日升勢,道指一度更升217點。

開市後5分鐘(本港昨晚10時35分),道指升192點,報16075點;納指升80點,報4553點;標普500指數升30點,報1891點。歐洲股市方面,英股尾段升2.2%;法股升3.5%;德股則升2.3%。


上一則: 數字王國斥1.4億 收購謝霆鋒公司

下一則: 天氣冷 油價重上31美元



I

蘋果日報- 2個港鐵站的戀愛 - 曾志豪

蘋果日報- 2個港鐵站的戀愛 - 曾志豪

2個港鐵站的戀愛 - 曾志豪

計「肯捱麥記」,港男又一擇偶新條件:「與你相隔半小時車程」。香港男人幾時變得如此弱不禁風,連搵女友都嫌遠?

我可以用過來人身份分享經驗。想當年,仲讀緊大學,無收入無私家車,我同女朋友亦係長途戀愛。有幾遠?我住青衣,女方住鰂魚涌;的確,不是荃灣VS柴灣般一頭一尾,但我無錢住喺青衣機鐵站附近,我要喺機鐵站轉車才能歸家,而女朋友亦要由鰂魚涌地鐵站行十分鐘才能回巢。呢個距離,絕對係愛情長征。

拍拖開始,幾乎係風雨不改、日復一日咁樣,送佢去鰂魚涌,然後形單隻影踏上歸途。我已經忘記趕尾班車的感覺了,反正覺得就像灰姑娘,不停看錶,如果錯過尾班列車,便要展開更偉大的轉車大作戰。坐小巴出銅鑼灣,再由銅鑼灣坐小巴到旺角,再由旺角坐通宵巴士回青衣老家……

我有無怨言?一開始蜜月期,簡直無怨無悔,愛情令人盲目。

當時覺得香港盜賊四起、烽火連天,任由女朋友一個人返家,簡直是送羊入虎口,隨時被人擄劫;卻忘記了其實女朋友未認識你之前,十幾年都是一個人行這條路歸家……

但有危便有機,你可以利用這個長途路程作為完美借口:咁夜,不如今晚喺你度瞓。

這個理由,光明正大、情理兼備,當年我以此,登堂入室,在女友家過夜。

長距離戀愛其實會加強兩個人同居的動力,因為女方也理解男人回家的痛苦(如果女方真心愛你,而不是視你為兵),她也想讓你宿一宵,但土地供應問題,無法做到。這時女方便會萌生離家築愛巢的念頭。恭喜你進入同居時代。

今之港男,只懂抱怨,不思進取,不懂利用長距離優勢達到拉近2人距離的方法。

嫌遠只是表徵,當感情變得平淡,太子愛上油麻地都會覺得麻煩。

上一則: 浸大60 - 左丁山

下一則: 「我真係見過乜乜乜!」 - 李碧華



I