2017年1月30日星期一

蘋果日報- 【夜市好生意】 狗仔粉15分鐘賣完 碗仔翅3日賣近2千碗

蘋果日報- 【夜市好生意】 狗仔粉15分鐘賣完 碗仔翅3日賣近2千碗

【夜市好生意】 狗仔粉15分鐘賣完 碗仔翅3日賣近2千碗

通州街墟市年初二十二點便正式「收爐」,不少市民繼續蜂湧而至,享受由關注組織及基層市民共同準備的溫情墟市。現場所見,不少攤檔食物已所剩無幾,不過人潮仍未退減。獲「腸粉大王」新哥教煮碗仔翅開檔的退休海員權哥,亦在晚上9時左右「收爐」。他稱,賣了數百碗碗仔翅,3日合共賣了近二千碗,「希望有錢賺」。他認為墟市行人通道尚算寬闊,環境亦尚算衛生,希望來年仍哥繼續擺檔。他又笑言,新哥過去三日不時前來幫忙,要多謝他。

賣狗仔粉的林氏夫婦,二人同住於深水埗區,林太指自己第一次嘗試擺檔,感到很興奮,又指學習到很多開檔知識。她說,狗仔粉熱賣,「最快試過開檔15分鐘就賣哂。今日廿分鐘左右賣哂。條隊排到轉哂彎。見到市民好鍾意黎趁墟食嘢」。她表示,雖然未「埋數」,但首日開檔時已賺回開檔的費用。被問為何狗仔粉大受歡迎,她笑言是賣「有(我)童年味道嘅狗仔粉」,除了人手搓粉,自行調節鹹味,亦特意加入不同辣味的菜脯,吸引一眾愛吃懷舊食物的港人。

談到政府應否物色一個恆常地方辦定期墟市,她直言支持,「因為好多香港人鐘意趁墟。今日有人特登喺將軍澳出嚟,買狗仔粉食。」家住沙田的梁小姐,晚上亦偕家人到來趁熱鬧,「暫時剩係買咗豆腐花食。雖然有啲檔口嘢食唔太吸引,但希望政府有個地方比佢哋開檔。」她認為墟市是港人回憶。

負責墟市運作的李大成表示,市民對過年熟食墟市有需求,亦樂意給予意見支持及改善墟市運作。他稱,至今已收集近700份問卷,未來會考慮整理資料後讓食環署參考,「我哋唔係要迫政府一定要畀個地方我哋,但係希望政府可以理解到,其實好多人讚呢個墟市,亦好多檔主真係賺到錢過年」。

李大成又指,墟市分兩邊政橋底,其中近欽州街臨時街市一邊,靠接駁電線至臨時街市取電,費用萬多元,但獲善心人捐助費用,「要特別多謝佢」;但另一邊天橋底,則要依靠多部發電機協助發電。

上一則: 【網民hot talk】 富臨加二收成皮嘢 阿一霸氣:大客唔會計

下一則: 延期一年 西九戲曲中心內櫳曝光



I

没有评论:

发表评论