【影北極光】綠茶卷蛋極光有片睇 零下負二度影足四小時最緊要有耐性
「綠茶卷蛋極光相」網民應該見過，本港女攝師Lina Wong憑住呢副於美國阿拉斯加拍攝嘅極光相片贏得西班牙組織SpainBuddy「2016年度最佳旅遊攝影作品獎」，早前記者就同佢傾咗陣，佢話話秘訣係有耐性，事關當日佢哋去到郊野公園拍攝現場，零下負二度，但就一滴光都冇。足足等咗兩個鐘先開始有料到，一係唔嚟一嚟就「嘭嘭聲」，最後又用咗兩個鐘影相。除咗呢張相，最近Lina亦喺Facebook公佈咗段極光縮時影片，睇住啲極光轉呀轉，真係好想去阿拉斯力走返轉。
綠茶卷極光有片睇。
Lina Wong為兼職旅遊攝影師。
在網上或者新城市廣場link入去的Hologram影像是像這樣分割成四邊畫面的。
要把投影裝置放上手機才看到立體影像。
「3D Hologram立體投影拜年利是禮盒」內分別有8個利是封和Hologram投影膠片。即日起至1月27日期間，可在新城市商場內消費1500元換取。
換領者可拍攝一段30秒的Hologram賀年影片，拍攝後會送上QR code貼紙。
親友掃瞄QR code後可觀看Hologram賀年影片。
Lina話好慶幸自己當日冇走咗去。「等咗好耐，等咗兩個鐘先開始有少少極光出嚟。好多人等10分鐘或者半個時就走咗，但我同朋友兩個覺得一場嚟到，等咗兩個鐘開始有少少極光，越影越見到極光越嚟越犀利，結果影咗足足兩個鐘。」期間聽到動物叫聲先嚇到走，後尾聽酒店職員講原來啲熊未冬眠，好可能係熊叫，諗返起都有啲驚險。
Lina除咗影風景相，都好鍾意試玩新技術，最近佢就同新城市廣場合作將「綠茶卷蛋極光」縮時影片整作成3D Hologram立體投影影像。段片已經喺Lina同新城市廣場嘅facebook上載咗，大家用手機開可能會覺得奇怪，畫面好似打麻雀咁分四邊係咩玩法？其實睇Hologram要用上投影裝置，網上有好多自製方法，商場怕大家唔識整，亦都製作咗個「3D Hologram立體投影拜年利是禮盒」。入面除咗利是封，仲有Hologram投影膠片，摺成倒金字塔形狀再放喺四方城畫面上面，就可以睇到360度虛擬立體影片。
「3D Hologram立體投影拜年利是禮盒」於即日起至1月27日期間，在商場內消費1500元換取，除咗用嚟睇極光片，亦都可以自己做主角。商場會幫換領者拍攝一段向親友拜年嘅3D Hologram錄像短片，再將短片製成QR code貼紙，連埋貼紙及Hologram投影膠片一齊攝落利是封，收到嘅親友用手機scan就睇到，派利是玩埋高科技，相信派同埋收嘅人都會在乎心思多過入面有很多銀紙。
綠茶卷極光縮時影片：
httpHYPERLINK "http://bit.ly/2kgSsZd"://HYPERLINK
"http://bit.ly/2kgSsZd"bitHYPERLINK "http://bit.ly/2kgSsZd".HYPERLINK "http://bit.ly/2kgSsZd"lyHYPERLINK "http://bit.ly/2kgSsZd"/2HYPERLINK "http://bit.ly/2kgSsZd"kgSsZd
相關Facebook專頁：
New Town Plaza 新城市廣場
記者：司徒港燊
攝影：許先煜
2017果籽繼續認真知味。識買惜用。行以求知。好事多為。重修舊好。
緊貼果籽報道，即like：http://fb.me/AS.AppleDaily
I
没有评论:
发表评论