2017年3月12日星期日

【動畫‧搵人傾偈】廚師撐七警練馬師揀蟀「令我大開眼界」 | 2017-03-12 | | 蘋果日報

【動畫‧搵人傾偈】廚師撐七警練馬師揀蟀「令我大開眼界」 | 2017-03-12 | | 蘋果日報

【動畫‧搵人傾偈】廚師撐七警練馬師揀蟀「令我大開眼界」

「你冇同過陌生人傾偈,唔會知佢哋嗰個圈子嘅嘢,真係大開眼界。」90後梁焯霖每日搵陌生人傾偈,仲開咗「陌樂偈」專頁,上載咗三十幾篇文,累積唔少粉絲。閱讀一個陌生人同另一個陌生人嘅傾偈內容,點解咁吸引?

我唔直接答你住,我用焯霖嘅經歷答你。佢遇過一個撐七警,比佢更年輕嘅後生仔。「我去跑步,見有個後生仔拉緊筋,我走埋去同佢傾,原來他係廚師來,講講媖佢話想轉行做警察。」焯霖自然提到七警,問道:「警案形象最近有啲負面喎,你擔唔擔心?」年輕廚師竟然話:「我覺得嗰七個警察做得啱,佢哋唔好彩被人影到之嘛!」焯霖呆咗,我都呆咗。


佢覺得同後生女傾偈最難開口,怕人誤會佢係想追女仔。


梁焯霖搞「陌樂偈」專頁,希望大家多啲出去搵人傾偈,令人與人之間不要太冷漠。


不少長者沉迷玩推銀機,焯霖從一個傾偈對象得知有人玩到輸埋層樓。

謾罵從來說服唔到同你立場相反嘅人,焯霖平心靜氣同對方分析事件,年輕廚師似懂非懂,答咗句:「其實我從來唔理呢啲嘅,你咁啱講起我先講兩句。」好,到底佢啲文章點解好睇?開估:因為印證咗一樣米養百樣人嘅道理。同住香港地,甚至年紀差唔多,思維可以差天共地,平行時空咁,好科幻。

有一次佢喺有推銀機玩嘅遊戲中心遇到一位後生時做練馬師嘅伯伯。佢一直想了解推銀機有乜吸引力,令一眾長者無慮投幣投幣投幣投幣投幣投幣……。伯伯竟然話:「有個師奶輸咗成層樓呀,呢度根本係賭場。」唔係啩,樓喎,樓喎,廢青唔食唔飲成世都買唔到嘅樓喎!「唔同佢傾,真係唔知世界發生啲咁嘅事。」

伯伯突然問佢幾多歲,做啲乜,原來係想介紹佢去做騎師。「『你身形啱騎馬,不過年紀就大咗一兩年。』我覺得呢啲連編劇都寫唔到,太戲劇性啦!」兼職做演員,參演過ViuTV劇集及舞台劇嘅卓霖覺得同陌生人傾偈,幫到佢增強演技,代入唔同角色。

若果有日佢喺街搵你傾偈,唔使比佢嚇親,佢唔係傳教,唔係傳銷,只係想人與人之間有番啲真實溝通箒。

記者:葉青霞
攝影:劉永發

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily



Z88

没有评论:

发表评论