2017年4月18日星期二

【文具科學】擦得甩原子筆點解擦得甩?可以還原嗎? | 2017-04-18 | | 蘋果日報

【文具科學】擦得甩原子筆點解擦得甩?可以還原嗎? | 2017-04-18 | | 蘋果日報

【文具科學】擦得甩原子筆點解擦得甩?可以還原嗎?

今時今日,乜都電子化,仲有幾多人會執筆寫字?同讀書嗰陣真係好大對比,以前筆袋成磅重,總有一大堆奇奇怪怪嘅文具,例如香味筆、隱形墨水筆、變色筆,仲有擦得甩原子筆,你一定用過!日本漫畫家就善用擦得甩原子筆,為大家變咗個魔術,佢用原子筆畫畫,再用風筒吹走個公仔件衫。


日本漫畫家用擦得甩原子筆畫畫,再用風筒吹走公仔件衫,點解做到?

其實擦得甩原子筆,同傳統原子筆最大嘅分別在於墨水。理工大學應用科學系教授詹國龍說:「墨水放入顯微鏡睇,會見到好多個微型膠囊,每個裏面都有三種主要成份,染料、顯色劑同變色溫度調整劑。」當染料與顯色劑結合,就可以寫出顏色。咁點解用風筒吹都得,唔係要擦先甩咩?


其實擦得甩原子筆,同傳統原子筆最大嘅分別在於墨水。


理工大學應用科學系教授詹國龍:「當溫度升至大約攝氏60至65度,墨水會變透明,睇落個字就好似消失咗。」用風筒熱風吹,當然可以令墨水變透明。


擦得甩原子筆上,都有文字警告,說明「本產品不適合考試或簽文件」,所以考試簽名都係用傳統原子筆啦。

詹教授指,擦得甩原子筆之所以擦得甩,關鍵在於墨水嘅溫度。「當溫度升至大約攝氏60至65度,變色溫度調整劑就會溶化,將染料同顯色劑拆開。染料顏色會消失,睇落個字就好似消失咗。」所以,擦得甩其實係因為磨擦會生熱,令墨水暫時變透明,用風筒嘅熱風,當然可以令墨水變透明啦。咁照道理,亦可以還原?原來,墨水要冷卻至攝氏零下10至20度,染料同顯色劑才可再次結合,令墨水重新顯色。一般家用雪櫃唔夠凍,就算墨水重新顯色,都只會係好淺色,唔會回復原狀。

擦得甩原子筆改錯方便,寫錯字擦一擦即可。不過各位要小心,擦得甩原子筆筆身上都有文字警告,說明「本產品不適合考試或簽文件」。詹教授亦提醒學生哥,唔好用擦得甩原子筆做功課或考試,仲話後果自負。「萬一唔小心被摸過,墨水變淺色,老師睇唔到啲字當你冇做功課,你一定攞唔到分。」

記者:黃凱婷
攝影:劉永發

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily

緊貼「蘋果VR」熱潮,打開雙眼隨意門,讓「蘋果VR」陪您探索新世界: https://goo.gl/b5RQAB

「蘋果VR」App
App store下載: https://goo.gl/0kW2cK
Google Play下載: https://goo.gl/4K7EHw



I

没有评论:

发表评论