2017年7月1日星期六

【平得過份】150吋米家雷射投影電視 開價9,999人仔 | 2017-07-01 | | 蘋果日報

【平得過份】150吋米家雷射投影電視 開價9,999人仔 | 2017-07-01 | | 蘋果日報

【平得過份】150吋米家雷射投影電視 開價9,999人仔

Technology 

以往較少人用投影機睇電視,主要原因是投影燈泡壽命短,換燈泡又貴又煩。到近期開始有雷射投影機冒起,不過如用上超短投設計的雷射投影機售價分分鐘要幾萬元,玩落又唔化算,不過小米旗下米家剛剛發佈一部最高可投影到150吋畫面的「米家雷射投影電視」,在用上超短投技術下,開價竟然只係9,999人民幣(約$11,510),雖然已經係米家歷來最高價產品,但相比同類型產品已經平一大截。


米家雷射投影電視價錢比同級產品平一半有多,7月4日在米家App開始眾籌。

當然大家可能會質疑,「米家雷射投影電視」賣得咁平規格同質素又得唔得先?首先產品在光源技術及成像技術方面,分別同國內龍頭光峰光電以及德州儀器兩間廠商合作,質素方面有一定保證,如應用德州儀器的新ALPD 3.0雷射光源技術,能營造出5,000流明亮度、3,000:1對比度以及顯示出85% NTSC色域,而雷射光源壽命達到25,000小時,以每日睇2小時電視計算,足可睇到34年。另外在採用超短投技術下,只需15至50cm距離即可投放出80至150吋畫面,只需用有限空間就能享受到大畫面的震撼,擺位靈活程度媲美平面電視。雷射投影電視會用上跟之前小米電視相同的MIUI TV系統(Android系統),投影機都設有各一對高音及低音單元,另亦接擴音機或家庭影院。「米家雷射投影電視」睇落真係幾吸引,不過最大問題係產品好有機會同之前小米電視一樣只限內銷,其他地方買唔到,幾平都無用。


只需15至50cm距離即可投影出150吋畫面。


機上連接介面都算齊全。

資料來源:小米
記者:布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道,即like: http://fb.me/AS.AppleDaily



I

没有评论:

发表评论