2017年12月30日星期六

信奉猶太人 - 左丁山

信奉猶太人 - 左丁山

信奉猶太人 - 左丁山

左丁山父親生前從來唔講聖誕節,只講「耶穌誕」,對公元一詞,佢亦糾正過左丁山:「用耶元」,唉,「耶元」喎,邊度有人聽得慣,寫得慣呀!父親卒之在晚年不再堅持,但在1950、1960年代,香港確係有不少人講耶穌誕,唔講聖誕嘅。
時至今日,已經係21世紀,呢啲小事無謂再爭辯咯,偏偏中國共產黨又撩起洋節、恥辱呢啲嘢,真係令人莫名其妙,即使習近平曾講四個自信(道路自信、理論自信、制度自信、文化自信),亦不可能與當今世界普遍接納之「西方生活文化」搞對抗嘅啫,更何況馬克思恩格斯列寧史太林主義係絕對西方人思想,馬克思與恩格斯更係與耶穌同種族嘅猶太人。猶太人有兩套思想控制伊斯蘭以外嘅世界,即耶穌衍生之天主教、基督教,以及馬克思創建嘅共產主義,中國共產黨拒絕猶太人耶穌,但絕對信奉猶太人馬克思,走唔甩崇洋之道路,對中國傳統無自信。信奉耶穌之中國人孫文,領導辛亥革命,推翻中國數千年王朝統治,信奉耶穌之蔣介石統領國民黨軍隊北伐,掃除軍閥,叫做表面上統一咗中國,但後來卒之敗在信奉馬克思之毛澤東手上。從歷史視之,1910年至今107年,中國從無文化自信,都係在猶太人思想影響下搞政治,再加上古代宮廷政治之三國演義式鬥爭,污染咗洋人之民主選舉、議會文化,毛澤東集中國傳統宮廷爭權陰謀與馬列主義階級鬥爭精神於一身,就成為近代最恐怖人物。
信奉猶太人馬克思之政黨,如領導人習近平猛講文化自信,實在矛盾之至,我等凡夫俗子,無法明白。香港人飽受西方文化入侵,更加難以融入,叫宣講團來香港多十次八次都冇用。特首林鄭月娥自幼讀天主教學校,財政司司長讀基督教學校,係虔誠教徒,要佢地跟隨中共黨員,否決洋人節日,根本冇可能,如果仍然係梁振英做特首,或者會唔同。十幾年前,聽過一位面相專家講梁振英先生一字嘴,唔同人咁品,左丁山問佢一字嘴有何含義,佢話:「你自己去了解吓!」算了吧,CY已不在其位,費事花時間去了解了。講明受猶太人思想影響,校友C在中學時又係讀基督教中學,今日仍然在聖誕玩樂,傳來一首披頭四之I Saw Her Standing There,緬懷初中時之飛仔音樂。群組中有希爾頓花園酒店老闆L即刻回應:「今晚聖誕夜畀多啲飛仔歌你聽!」當晚希爾頓有聖誕夜舞會,搵齊樂隊現場演奏golden oldies,老闆L年青時夾過Band,搞呢啲舞會,特別有興致!如果香港有一日不准過洋節,香港人會失去不少樂趣。



...................

没有评论:

发表评论